Khuh Hawnna :
Kan veng indin chhoh dan hi chhui thiam a har ang reng hle. Sawrkârin khua a din dawna lungphum mumal taka a phum hnua khua a din ang hi a ni lova, chuvang chuan a din ni, thla leh kum dik tak ziaka dah mumal tak neih pawh thil buaithlak tak a ni. Mirethei tê tê rambuai avanga mahni awmna khua tlansana Aizawl khawpuia retheihnain a ûm luhte tlankhâwmna veng a nih avangin he khawtlang indin chhoh dan pawh hi ziaka chiang taka record hmuh tur a awm mumal lo. History chiang taka ziah thiam pawh a har hle a, amaherawhchu harsatna chi hranvg hrangin a hruaikhawm, tlângkhata la khawsaho ngai lo leh chi bur khat inliah tawm ngai hauh lote, tuihna thuhmun inrintawm ngai miah lote ni mah ila tlângkhata han khawsaka veng khat hming intawm theia han khawsak ho takah chuan Aizawl khawpuia veng hmasawn berte zing ami kan han ni ta reng mai hi thil lawmawm tak a ni. Tuna kan veng chanchin kan tarlan tur hi a hria leh awm hmasa nia kan hriatte thu khawchâng atanga kan phochhuah a ni.
Awm Tantirh :
Veng hi a thang zel a, a huamchin (area) pawh a danglam hret hret thin. Tun hma chuan Venghlui Lal Makthanga awpna hnuaiah he veng hi a lo awm tawh thin. Makthanga'n a awp lai chuan he vengin a huamchin chu - thlang lamah, Pu Nghaka Lui leh Mirawng Lui kara cheh, Chite Lui thleng. Chhak lamah - Dak In puiah pheiin Lammual huamin Bungkawnah Pu Shillonga In thleng, chuta tangin Mirawng Lui a pawh thla leh a ni. Kum 1971 khan Venghlui VC atangin indan a ni a, kan indan laia a huamchin chu - Dak In pui atangin Lammual hnuaiah a rawn phei a, Assaam Rifles choka awmna thlengin kan veng chuan a huam a ni. Tun hma chuan Tuithiang Vengte pawh hi kan vengah a bet tel a, Bethlehem Tuitrhiang tih a ni kher thin. Amaherawhchu, Chhinga Veng atanga Saron an indan lai khan kan veng lam VC an mumal vak lo pawh a ni thei, Saron Vengah Tuithiang chu a bet ta hlauh mai a, anmahni duhthlanna vang pawh a ni thei. Tuithiang veng chu Saron veng atangin an indang ta daih a ni.
Awm Hmasa :
Venghlui Lal in min awp hun laia awm hamsa ber - In ding hmasa ber chu Vai Puithiam an tih mai - Ram Prasad Upadia-te chhungkua kha an ni. Anni hi kum 1892 khan Bung chhakah khian an awm tan a, Assam Rifles-te pawh hi kum 1911 atang chauhvin an awm tan nia hriat a ni.
Mizo zingah chuan Pu Chawngthanga hi awm hmasa ber nia hriat a ni. F. Lalremruata’n a chhui danah chuan kum 1950 khan Kulikawn atangin Chite zawlah khuan awmhmun rawn khuar tawh angin a chhui. 1953 khan tuna a awmnaah khuan meimit lovin a awm ta a ni. Pu K. Lalnunmawia’n a chhui danah chuan Mizo mahni in leh lo nei a awm hmasa ber chu Pu Thanglunga niin a chhui ve thung. Pu Thanglunga hi kum 1955 khan Dawrpui Veng atangin a rawn chhukthla niin a sawi.
Veng Hming :
Bethlehem Veng hian a tirah Bethlehem Veng tih hming hi a pu nghal mai lova, mirethei tê tê, eichawp dapa nung ve ngawr ngawrte leh retheihna chi hrang hrang thlipuiin a len luhte awmkhawmna ngang a nih avangin mite hmuhsit hnuaichhiah pawh a hlawh thin hle a, a mi chêng hmasate pawhin hrehawm an ti khawp thin a, thin ti-ur thei tawngkam chhe tinrenga an auh nawmnah lai karah kohna hming hran hran henga hnuaia mite hi a lo pu tawh a ni.
i) Babaji Veng :
Kan veng hian Babaji Veng tih hming a lo pu tawh a, Babaji an tih hi 1st Assam Rifles Puithiam a ni a, a hming tak chu Ram Prasad Upadia a ni a, he vai Puithiam hi kum 1892 khan Bûng chhakah khian a rawn awm tan a, Nepal ram atanga lo kal niin an sawi, he pa hming chawi hian Babaji Veng tia hriat kan ni thin. Babaji fapa Buddiraja chu inpui nghâkin tunah khian a la awm a, vai Puithiam Veng tia hriat kan ni bawk.
ii) Thatvunga Veng
Thatvunga Veng hming kan putna chhan hi sawi dan a inang lo hret hret, C. Lalneihliana leh F. Lalremruata te'n an chhui dan chuan Thatvunga hi Chawilung khua, Pu Siliana Sailo khuaa awm a ni a, kum 1941-1942 a British (Kumpinu) leh Japan Indo (Indopui-II na) khan British-ho chuan Japan râl do turin Mizo tlangval engemaw zât an la ve a, chungho chu British-ho chuan V. Force an ti a, Mizote chuan pasaltha tiin an sawi ve thung. Hetah hian Thatvunga hi Commander a ni a, hengho hi tuna Bethlehem Presbyterian Kohhran Biak In mualah hian inkulhin, Di In lianpui an sa a, Thatvunga hi Commander a nih avangin a hming a lâr hle a, he hming hi vengin a pu ta a ni tiin an sawi.
Pu K. Lalnunmawia chuan hetiang deuh hian a chhui, “Indopui pahnihna 1941-43 vel khan British lal ram chhan tur leh Japan ral do turin Mizo tlangval engemaw zat thla khatah Rs.5/- hlawh turin lâk an ni a, Mizo chuan pasaltha B an inti mai a, Sapho erawh chuan Victoria Force (V. Force) an ti a, hengah ian ‘A’ leh ‘B’ an awm a, chuta pâwl hlawm khat ‘B’ chu tuna Mualzawl kan tih Presbyterian Biak In awmna hmunah hian awmhmun an khuar a, chuta an hotu ber Commander chu Thatvunga, Chawilung khua a ni a, chumi hming chawi chuan Thatvunga Veng tih a ni thin. Heng pasaltha V. Force-te hi Indopui a zawh khan an til tiak ve nghal mai a ni.” Hei hi Thatvunga Veng hming kan put dan a ni a, an sawi dan inang chiah lo mah se thil thuhmun, hriat chin inang lo deuh mai niin a lang.
iii) Midum Veng/Transport Veng :
British-in India ram a awp lai khan hlawh nei lovin puakphur tur an duh duh an chhawr thin. Kum 1947-a India-in zalenna a hmuh khan inchhawr luih hi a lo tâwp ta a, amaherawhchu, puakphur tur te, bân zai thiamte mamawh chunzawm zel a nih avangin Sawrkar-in Civil Transport Corps kum 1947 khan a din a, hlawh mumal tak siamsakin midum sawmthum (30) chahchhuah a, chhawr an ni a, chung midum awm nan chuan V. Force awmna mual zawlah khian rangva in pathum an sa a, heng inte hi 1975 thleng khan a ding a ni. Heta tang hian a tûlna hmun apiangah an zinchhuak thin. A hnuah he Transport Corp-ah hian Mizo tlangvalte pawh an lût ve a ni. Heta tang hian midum veng tih te, transport veng tihte chu hei vang hian a hlawh phah a ni.
Kum 1957-ah chuan Transport ho awmna velah a duh apiang awm theih a ni a, midumho chu Dinthar lamah an insawn a, midumho rauhsan lane-ah chuan chhungkaw riat lai an awm. He tih laia Mizo Transport-a thawk, tun thlenga la dam hriat theih te chu - Pu Thanglunga, Pu Darchhinga, Pu Denga h/o Sangkungi(L) te an ni.
iv) Bethlehem Veng
‘Bethlehem Veng’ hming irhchhuah dan hi sawi dan leh hriat dan a inang lo hle a, Bethlehem tih hming sawi rik a nih tan hun pawh sawi dan a inang lo hle. Bethlehem Veng hming phuahtu Pu Zikpuia kawmtute thu leh hla pawh a dang tlat mai a, a buaithlak ang reng hle.
Kum 1960 vel khan In 30 zet an awm tawh a, veng hming mumal deuh neih duhna pawh a awm tawhin, titi khawchângah pawh an sawi ri fo tawh âwm e. Kum 1961 khan Pu Thangbuaia, tuna Serchhipa awm ta Inah Krismas an nghat a, zai pawh chu an zai tui hle a, chutihlai chuan Pu Zikpuia chu lo dingchhuakin, “Kan Veng hming atan Bethlehem tih ka duh e, Bethlehem Veng i ti ang u,” tiin a rawn au chhuak a, hei hi ‘Bethlehem Veng’ hming lam rik hmasakna ber a ni. Pu Zikpuia dinchhuah hun hi Pu K. Rohluna chuan Masi nawn ni, December ni 26 niin a sawi thung a, thenkhat chuan kumhlui thlah zan niin an sawi thung.
Veng hming tur mumal deuh neih duhna thinlung chuan paho a kâng na hle a, kum 1962 kumthar hlim velah chuan Pu Thangbuaia Inah veng hming chungchangah paho an inkâwmkhâwm a. (Pu K.Rohluna chuan Pu Hrangzama In tiin a sawi) Veng hming tur rawtna nei apiangin Pu Thangbuaia hnênah ziakin emaw tawngkâ-in emaw hrilh tur tiin thu an titlu a, a zan thum zanah chung rawtna chi hrang hrang chu an sawiho leh ta a, a tâwpah Pu Zikpuia rawtna ‘Bethlehem Veng’ tih chu an titlu ta a, thenkhat chuan an duh lo viau a ni awm e.
Hetia Veng hming an phuah fel takah chuan Notice Board-a târ an rawt a, a buaipui nân sum an thawhkhâwm a, (Siki theuh an thawh-C.Lalneihliana) Upper Bazar-a Pu Chana, Artist chu Rs.6 chawiin an ziahtir a, chutah chuan ti hian an ziak a:-
Bethlehem
Aijal, Mizo District
Tuna Dâk In pui bulah khian an târ a, kut lemin an kawhtir vah a ni. Hei hi July 1962 (K.Lalnunmawia) a ni. 1964 July 4-ah Sawrkar-in Notification chhuahin Bethlehem Veng tih chu a nemnghet ta a ni. (F. Lalremruata)
Veng Inthen Chungchang :
Bethlehem Veng chu veng thang chak tak a lo ni chho a, mihring pawh kan pung chakin veng pawh a zau tial tial a, veng khat rau rau pawh veng chhak leh thlang rilru leh khawsak phung pawh a dang hret hret a, chu chuan inmihranna rilru a siam lo thei lova, hetia unau piang hmun, tlang hrang chang tura rilru lo piang hi puitlin zia pawh ni fahmiang. Kum 1985 khan vengchhak huamchhunga YMA Section pahnih - Vanapa leh Neuva Section-te chuan YMA Branch pahnih siam rawtna tih Agenda-ah hmangin Joint Commitee an kova, mahse he Agenda hi a tlang ta lova, mahse hei hian veng inthen duhna meisi chu a rawn chhêm nung tan ta a ni.
Veng inthen chungchang hi Political Platform-ah a kângkai ta zel a, kum 1987 khan VC then rawtna chu LAD-ah Political Party thenkhat chuan an thlen ta hial a, LAD chuan VC hnenah hriattirna pein a tûl anga hmâ la turin thupêk a chhuah ta a. Hemi chungchang ngaihtuah hian Village Council chu 8.5.1987 khan an thukhawm a, mahse hetiang hian thu an keuhthlu ta hlauh a -
“He VC hnih dilna chungchângah hian hemi VC-te chuan sawi tur kan nei lovin kan hria a, chuvangin, ngawi rih ila kan ti,” tiin.
Veng inthen duhna rilru chu vengchhak lam leh vengthlang lamah a lian zel a, party thenkhatin an nawr bawk a, LAD Minister chuan VC hnenah veng inthen chungchangah mipui râwn turin thupêk a chhuah ta a, VC chuan bawhzuiin 23.6.87 zanah P/S I-ah veng inthen chungchang chu sawiho a ni ta a. Heta kalkhâwm tam zawkte chuan veng inthen an duh loh avangin inthen chungchang chu ngawihpui rih a ni ta a.
Veng inthen duhna mei chu a kâng kai nasa telh telh a, VC chuan ni 4.8.90 zanah political party hrang hrang joint committee a ko ta hial a, party-te ngaihdan pawh a inan theih si loh avangin kha tih laia VCP Pu R. Zolura duh dân angin kal mai se tiin thu an dah ta ngawt a.
Pu Zolura chuan a ngaihdan a kalpui ngam mai loh avangin party hrang hrangte ngaihdan a ngaichâng leh rih a, inthen tura hmalâkna dan rual a nih tâk loh avangin VC hniha insiam chu an titlu ta nge nge a, VC hniha insiam ni se a tumah indang zawk awm lovin, veng hmingah pawh Bethlehem Vengchhak leh Bethlehem Vengthlang tih ni se tiin thu an rêl ta a.
3rd October, 1990 khan Mizoram Sawrkar chuan Gazettee-ah notification tichhuakin, Aizawl District-a VC 22 a puan thar zingah Bethlehem Vengthlang chu Bethlehem thar tiin VC-a puan a nih thu a rawn chhuah ta mai a, Bethlehem Vengchhak chu Bethlehem VC tiin a chhuah thung a, veng inthen dawn laia kan inremna nen chuan a inmil ta hauh lova. Bethlehem Vengthlang Kohhran awm lian ber Presbyterian Kohhran chuan an Kohhran hmingah Bethlehem Thar tih an lo hmang mêk a, heta Kohhran pakhat hming put bik veng hminga neih chu sawisêl a ni a, chuvangin, sawrkar chuan Bethlehem Thar chu Bethlehem Vengthlang tih hminga inthlâk a nih leh zawk thu notification hetiang hian an chhuah a-
'The Name, Bethlehem Thar, Declared as a new Village Council at annexture (Sl.No.13) under notification No.LAD/VC-5/88/370.dt 3rd.10.90 should be read as Bethlehem Vengthlang instead of Bethlehem Thar. All correspondences relating to this Veng/Village may be addressed as Bethlehem Vengthlang in future.
Sd/-
H. Raltawna
Secretary to the Gov’t. of Mizoram
Kan veng indin chhoh dan hi chhui thiam a har ang reng hle. Sawrkârin khua a din dawna lungphum mumal taka a phum hnua khua a din ang hi a ni lova, chuvang chuan a din ni, thla leh kum dik tak ziaka dah mumal tak neih pawh thil buaithlak tak a ni. Mirethei tê tê rambuai avanga mahni awmna khua tlansana Aizawl khawpuia retheihnain a ûm luhte tlankhâwmna veng a nih avangin he khawtlang indin chhoh dan pawh hi ziaka chiang taka record hmuh tur a awm mumal lo. History chiang taka ziah thiam pawh a har hle a, amaherawhchu harsatna chi hranvg hrangin a hruaikhawm, tlângkhata la khawsaho ngai lo leh chi bur khat inliah tawm ngai hauh lote, tuihna thuhmun inrintawm ngai miah lote ni mah ila tlângkhata han khawsaka veng khat hming intawm theia han khawsak ho takah chuan Aizawl khawpuia veng hmasawn berte zing ami kan han ni ta reng mai hi thil lawmawm tak a ni. Tuna kan veng chanchin kan tarlan tur hi a hria leh awm hmasa nia kan hriatte thu khawchâng atanga kan phochhuah a ni.
Awm Tantirh :
Veng hi a thang zel a, a huamchin (area) pawh a danglam hret hret thin. Tun hma chuan Venghlui Lal Makthanga awpna hnuaiah he veng hi a lo awm tawh thin. Makthanga'n a awp lai chuan he vengin a huamchin chu - thlang lamah, Pu Nghaka Lui leh Mirawng Lui kara cheh, Chite Lui thleng. Chhak lamah - Dak In puiah pheiin Lammual huamin Bungkawnah Pu Shillonga In thleng, chuta tangin Mirawng Lui a pawh thla leh a ni. Kum 1971 khan Venghlui VC atangin indan a ni a, kan indan laia a huamchin chu - Dak In pui atangin Lammual hnuaiah a rawn phei a, Assaam Rifles choka awmna thlengin kan veng chuan a huam a ni. Tun hma chuan Tuithiang Vengte pawh hi kan vengah a bet tel a, Bethlehem Tuitrhiang tih a ni kher thin. Amaherawhchu, Chhinga Veng atanga Saron an indan lai khan kan veng lam VC an mumal vak lo pawh a ni thei, Saron Vengah Tuithiang chu a bet ta hlauh mai a, anmahni duhthlanna vang pawh a ni thei. Tuithiang veng chu Saron veng atangin an indang ta daih a ni.
Awm Hmasa :
Venghlui Lal in min awp hun laia awm hamsa ber - In ding hmasa ber chu Vai Puithiam an tih mai - Ram Prasad Upadia-te chhungkua kha an ni. Anni hi kum 1892 khan Bung chhakah khian an awm tan a, Assam Rifles-te pawh hi kum 1911 atang chauhvin an awm tan nia hriat a ni.
Mizo zingah chuan Pu Chawngthanga hi awm hmasa ber nia hriat a ni. F. Lalremruata’n a chhui danah chuan kum 1950 khan Kulikawn atangin Chite zawlah khuan awmhmun rawn khuar tawh angin a chhui. 1953 khan tuna a awmnaah khuan meimit lovin a awm ta a ni. Pu K. Lalnunmawia’n a chhui danah chuan Mizo mahni in leh lo nei a awm hmasa ber chu Pu Thanglunga niin a chhui ve thung. Pu Thanglunga hi kum 1955 khan Dawrpui Veng atangin a rawn chhukthla niin a sawi.
Veng Hming :
Bethlehem Veng hian a tirah Bethlehem Veng tih hming hi a pu nghal mai lova, mirethei tê tê, eichawp dapa nung ve ngawr ngawrte leh retheihna chi hrang hrang thlipuiin a len luhte awmkhawmna ngang a nih avangin mite hmuhsit hnuaichhiah pawh a hlawh thin hle a, a mi chêng hmasate pawhin hrehawm an ti khawp thin a, thin ti-ur thei tawngkam chhe tinrenga an auh nawmnah lai karah kohna hming hran hran henga hnuaia mite hi a lo pu tawh a ni.
i) Babaji Veng :
Kan veng hian Babaji Veng tih hming a lo pu tawh a, Babaji an tih hi 1st Assam Rifles Puithiam a ni a, a hming tak chu Ram Prasad Upadia a ni a, he vai Puithiam hi kum 1892 khan Bûng chhakah khian a rawn awm tan a, Nepal ram atanga lo kal niin an sawi, he pa hming chawi hian Babaji Veng tia hriat kan ni thin. Babaji fapa Buddiraja chu inpui nghâkin tunah khian a la awm a, vai Puithiam Veng tia hriat kan ni bawk.
ii) Thatvunga Veng
Thatvunga Veng hming kan putna chhan hi sawi dan a inang lo hret hret, C. Lalneihliana leh F. Lalremruata te'n an chhui dan chuan Thatvunga hi Chawilung khua, Pu Siliana Sailo khuaa awm a ni a, kum 1941-1942 a British (Kumpinu) leh Japan Indo (Indopui-II na) khan British-ho chuan Japan râl do turin Mizo tlangval engemaw zât an la ve a, chungho chu British-ho chuan V. Force an ti a, Mizote chuan pasaltha tiin an sawi ve thung. Hetah hian Thatvunga hi Commander a ni a, hengho hi tuna Bethlehem Presbyterian Kohhran Biak In mualah hian inkulhin, Di In lianpui an sa a, Thatvunga hi Commander a nih avangin a hming a lâr hle a, he hming hi vengin a pu ta a ni tiin an sawi.
Pu K. Lalnunmawia chuan hetiang deuh hian a chhui, “Indopui pahnihna 1941-43 vel khan British lal ram chhan tur leh Japan ral do turin Mizo tlangval engemaw zat thla khatah Rs.5/- hlawh turin lâk an ni a, Mizo chuan pasaltha B an inti mai a, Sapho erawh chuan Victoria Force (V. Force) an ti a, hengah ian ‘A’ leh ‘B’ an awm a, chuta pâwl hlawm khat ‘B’ chu tuna Mualzawl kan tih Presbyterian Biak In awmna hmunah hian awmhmun an khuar a, chuta an hotu ber Commander chu Thatvunga, Chawilung khua a ni a, chumi hming chawi chuan Thatvunga Veng tih a ni thin. Heng pasaltha V. Force-te hi Indopui a zawh khan an til tiak ve nghal mai a ni.” Hei hi Thatvunga Veng hming kan put dan a ni a, an sawi dan inang chiah lo mah se thil thuhmun, hriat chin inang lo deuh mai niin a lang.
iii) Midum Veng/Transport Veng :
British-in India ram a awp lai khan hlawh nei lovin puakphur tur an duh duh an chhawr thin. Kum 1947-a India-in zalenna a hmuh khan inchhawr luih hi a lo tâwp ta a, amaherawhchu, puakphur tur te, bân zai thiamte mamawh chunzawm zel a nih avangin Sawrkar-in Civil Transport Corps kum 1947 khan a din a, hlawh mumal tak siamsakin midum sawmthum (30) chahchhuah a, chhawr an ni a, chung midum awm nan chuan V. Force awmna mual zawlah khian rangva in pathum an sa a, heng inte hi 1975 thleng khan a ding a ni. Heta tang hian a tûlna hmun apiangah an zinchhuak thin. A hnuah he Transport Corp-ah hian Mizo tlangvalte pawh an lût ve a ni. Heta tang hian midum veng tih te, transport veng tihte chu hei vang hian a hlawh phah a ni.
Kum 1957-ah chuan Transport ho awmna velah a duh apiang awm theih a ni a, midumho chu Dinthar lamah an insawn a, midumho rauhsan lane-ah chuan chhungkaw riat lai an awm. He tih laia Mizo Transport-a thawk, tun thlenga la dam hriat theih te chu - Pu Thanglunga, Pu Darchhinga, Pu Denga h/o Sangkungi(L) te an ni.
iv) Bethlehem Veng
‘Bethlehem Veng’ hming irhchhuah dan hi sawi dan leh hriat dan a inang lo hle a, Bethlehem tih hming sawi rik a nih tan hun pawh sawi dan a inang lo hle. Bethlehem Veng hming phuahtu Pu Zikpuia kawmtute thu leh hla pawh a dang tlat mai a, a buaithlak ang reng hle.
Kum 1960 vel khan In 30 zet an awm tawh a, veng hming mumal deuh neih duhna pawh a awm tawhin, titi khawchângah pawh an sawi ri fo tawh âwm e. Kum 1961 khan Pu Thangbuaia, tuna Serchhipa awm ta Inah Krismas an nghat a, zai pawh chu an zai tui hle a, chutihlai chuan Pu Zikpuia chu lo dingchhuakin, “Kan Veng hming atan Bethlehem tih ka duh e, Bethlehem Veng i ti ang u,” tiin a rawn au chhuak a, hei hi ‘Bethlehem Veng’ hming lam rik hmasakna ber a ni. Pu Zikpuia dinchhuah hun hi Pu K. Rohluna chuan Masi nawn ni, December ni 26 niin a sawi thung a, thenkhat chuan kumhlui thlah zan niin an sawi thung.
Veng hming tur mumal deuh neih duhna thinlung chuan paho a kâng na hle a, kum 1962 kumthar hlim velah chuan Pu Thangbuaia Inah veng hming chungchangah paho an inkâwmkhâwm a. (Pu K.Rohluna chuan Pu Hrangzama In tiin a sawi) Veng hming tur rawtna nei apiangin Pu Thangbuaia hnênah ziakin emaw tawngkâ-in emaw hrilh tur tiin thu an titlu a, a zan thum zanah chung rawtna chi hrang hrang chu an sawiho leh ta a, a tâwpah Pu Zikpuia rawtna ‘Bethlehem Veng’ tih chu an titlu ta a, thenkhat chuan an duh lo viau a ni awm e.
Hetia Veng hming an phuah fel takah chuan Notice Board-a târ an rawt a, a buaipui nân sum an thawhkhâwm a, (Siki theuh an thawh-C.Lalneihliana) Upper Bazar-a Pu Chana, Artist chu Rs.6 chawiin an ziahtir a, chutah chuan ti hian an ziak a:-
Bethlehem
Aijal, Mizo District
Tuna Dâk In pui bulah khian an târ a, kut lemin an kawhtir vah a ni. Hei hi July 1962 (K.Lalnunmawia) a ni. 1964 July 4-ah Sawrkar-in Notification chhuahin Bethlehem Veng tih chu a nemnghet ta a ni. (F. Lalremruata)
Veng Inthen Chungchang :
Bethlehem Veng chu veng thang chak tak a lo ni chho a, mihring pawh kan pung chakin veng pawh a zau tial tial a, veng khat rau rau pawh veng chhak leh thlang rilru leh khawsak phung pawh a dang hret hret a, chu chuan inmihranna rilru a siam lo thei lova, hetia unau piang hmun, tlang hrang chang tura rilru lo piang hi puitlin zia pawh ni fahmiang. Kum 1985 khan vengchhak huamchhunga YMA Section pahnih - Vanapa leh Neuva Section-te chuan YMA Branch pahnih siam rawtna tih Agenda-ah hmangin Joint Commitee an kova, mahse he Agenda hi a tlang ta lova, mahse hei hian veng inthen duhna meisi chu a rawn chhêm nung tan ta a ni.
Veng inthen chungchang hi Political Platform-ah a kângkai ta zel a, kum 1987 khan VC then rawtna chu LAD-ah Political Party thenkhat chuan an thlen ta hial a, LAD chuan VC hnenah hriattirna pein a tûl anga hmâ la turin thupêk a chhuah ta a. Hemi chungchang ngaihtuah hian Village Council chu 8.5.1987 khan an thukhawm a, mahse hetiang hian thu an keuhthlu ta hlauh a -
“He VC hnih dilna chungchângah hian hemi VC-te chuan sawi tur kan nei lovin kan hria a, chuvangin, ngawi rih ila kan ti,” tiin.
Veng inthen duhna rilru chu vengchhak lam leh vengthlang lamah a lian zel a, party thenkhatin an nawr bawk a, LAD Minister chuan VC hnenah veng inthen chungchangah mipui râwn turin thupêk a chhuah ta a, VC chuan bawhzuiin 23.6.87 zanah P/S I-ah veng inthen chungchang chu sawiho a ni ta a. Heta kalkhâwm tam zawkte chuan veng inthen an duh loh avangin inthen chungchang chu ngawihpui rih a ni ta a.
Veng inthen duhna mei chu a kâng kai nasa telh telh a, VC chuan ni 4.8.90 zanah political party hrang hrang joint committee a ko ta hial a, party-te ngaihdan pawh a inan theih si loh avangin kha tih laia VCP Pu R. Zolura duh dân angin kal mai se tiin thu an dah ta ngawt a.
Pu Zolura chuan a ngaihdan a kalpui ngam mai loh avangin party hrang hrangte ngaihdan a ngaichâng leh rih a, inthen tura hmalâkna dan rual a nih tâk loh avangin VC hniha insiam chu an titlu ta nge nge a, VC hniha insiam ni se a tumah indang zawk awm lovin, veng hmingah pawh Bethlehem Vengchhak leh Bethlehem Vengthlang tih ni se tiin thu an rêl ta a.
3rd October, 1990 khan Mizoram Sawrkar chuan Gazettee-ah notification tichhuakin, Aizawl District-a VC 22 a puan thar zingah Bethlehem Vengthlang chu Bethlehem thar tiin VC-a puan a nih thu a rawn chhuah ta mai a, Bethlehem Vengchhak chu Bethlehem VC tiin a chhuah thung a, veng inthen dawn laia kan inremna nen chuan a inmil ta hauh lova. Bethlehem Vengthlang Kohhran awm lian ber Presbyterian Kohhran chuan an Kohhran hmingah Bethlehem Thar tih an lo hmang mêk a, heta Kohhran pakhat hming put bik veng hminga neih chu sawisêl a ni a, chuvangin, sawrkar chuan Bethlehem Thar chu Bethlehem Vengthlang tih hminga inthlâk a nih leh zawk thu notification hetiang hian an chhuah a-
'The Name, Bethlehem Thar, Declared as a new Village Council at annexture (Sl.No.13) under notification No.LAD/VC-5/88/370.dt 3rd.10.90 should be read as Bethlehem Vengthlang instead of Bethlehem Thar. All correspondences relating to this Veng/Village may be addressed as Bethlehem Vengthlang in future.
Sd/-
H. Raltawna
Secretary to the Gov’t. of Mizoram
