“Ralna Thing”(Mihring hlui ralna) Ziaktu:- Rengpuii
Lehkhabu Danglam “Ralna Thing” (Mihring hlui ralna) in zoram a tuam mek. He “Ralna Thing” hi chu Copy 3000 lai an print a, engmah advertistment siam miah loin nili (4) chhhung in a zo vek. A ziaktu hi mifing leh ropui anilo Pathian thu Awih ani tawp mai..Pathian in zoram dinhmun a hmuhtir hi han chhiar ve teh a va han dik take m!
K.L. Biakchungnunga ‘Lehkhabu Kamkeuna’ “He Lehkhabu Ka chhiara ka hlawk pui em em chu –Pathianin mimal anga ti tura min duh tamber hi keimahni Ralna tur, kan mihringhlui thiahna tur ani tih hi ani. He lehkhabu a Fapa tlanbo sermon hian ka ngaihtuahna a kalthui tir khawp mai. Mizorama rawngbawltu tamber nunah a dikna chen a awmin ka hria..Pastor leh Kohhran Upa fate meuh pawh thlarau lam tam tuar in, Vawk rilru pu in Vawk Chaw an ei mek anih hi”
Mizoram Dinhmun:- “Ka han hawi kuala, mipui chu an tam em em a, an phu sup sup mai a. ka han enchianga, mipuite chu Mianglo, Rualbanlo hlir hi anlo ni a. Mit del, Kebul, Kut Bul, Bengngawng, Zeng, Tawngtheilo te anlo ni a, mak ka ti em em mai a! Mak ti tak chuan ka thlir reng a, an mahni chu an inhmusit tawn theuh a. Bengngawng chuan tawngtheilo chu tawngtir a tum a, a tawngtheih siloh a vang chuan hmusit tak in a nuihsawh a. Chutihlai chuan Mitdel chuan Zeng chu, ‘Tlan rawh!’ ati tuar tuar a. Zeng chu a tlan theihloh avangin Mitdel chuan hmusit takin alo nuihsawh bawk a. Zeng ve thung erawh chuan, “Hei, a mawi lutuk, I hmuthei nange? I va han tawi tak!” tiin alo nuihsan ve bawk a, kutbul leh kebulte pawh an inhmusit tawn em em bawk a, an tawngkam hman chu a rapthlak in a mawilo hlawm khawp mai a. …..
Lalpa chuan “Tuna I thil hmuh kha in ram, Mizoram dinhmun a nih kha. Tisa thil ah pawh Thlarau thila pawh, midang hmusit in, chapo takin inkal mek ani,”ati a. Rawngbawltu:- Pastorte, Upate, Kohhran Hmeichhe hruaitute, Thalai hruaitute, Sunday School zirtirtute,Evangelistte, Speaker harng hrang te, Ram tlangau an tih te, Politics lama hruaitu hrang hrang te, Office hnathawk te thleng in, thlarau mihlim an tihte nen- Lalpa ah chuan Kut neia Ke nei silo te, Ke neia Kut neilo te, Beng neia Mit nei silo te,Mit nei a Beng nei silo te awmkhawm kan ni tih chu Lalpan ka hma ah chiang taka min hmuhtira, a awmzia min hril fiah chuan, “ Lalpa , Nang chuan min hmangaiha, keini chu I tan hnawksak mei kan ni,” tiin Lalpa hmaah chuan ka tap ta zawih zawih a. ….Speaker leh Pastor, thusawi tura Lalpan a hruaite lah chu, – An inseh tawn hi a ni ringawt mai! Thianghlimna thu sawi uarber tura Lalpan atihte chuan Rinna thu sawi uar tura Lalpan a tihte chu an khengbet a. Rinna thu sawi uar ber tura Lalpan a tihte lah chuan Thianghlimna thu sawi uar tura a tirh te chu an sawisel bawk a. chuting chuan Pathian phuba lakna thu sawi tur te, Ringtu nun kawng sawi tur te chhandamna thu sawi tur te, Pathian thiltih theih zia sawitur te, hun awmzia sawi tur te- ka sawi senglo…Chutinga Lalpan sawi uartur bik Pe a mite a hruaina ah chuan, Sawi tur a pek chu midang sawi ai a chungnung bik ah ngai in, midang hmuh hniam nan, chapo phah nan an hmang fu ani….”
