---------------------------------------------------------------------------------------------------------
BUILULKHAM 16. April. 2011 chu DOWNLOAD theih leh ta e....
----------------------------------------------------------------------------------------------------------------------------------------
THALAI ARSI 9.MARCH. 2011 chu DOWNLOAD LEH THEIH TA E......
--------------------------------------------------------------------------------
2 APRIL 2011 Hnehna Eng
---------------------------------------------------------------------------------
2. April. 2011 Thalai Arsi
-------------------------------------------------------------------------------------------------------------------
27 March 2011 Hnehna Eng
------------------------------------------------------------------------------------------------
26 March 2011 Thalai Arsi
Download Here
-------------------------------------------------------------------------------------------------------------------
Chhiartute Ngenna
Febuary 22 2011: Admin: Tunlai chu Bethlehem vengthlang Blogg hi kan ron update khat khawp maia chhiartute chhungah thuphakan rawn chawi a ni e. Adminnistrator lam hi kan buai ve ema minlo hriatthiam kan beisei a hmasa in, kan veng chhunga News Paper chhuak te hi theih anga lo tarlan thin tum a ni anga . Blogg ah hian thuziak emaw, article thalak te thalak lama tui leh thuziak lama tui te tan hun hawn a niag.
Reilo te a tang chuan he kan veng site ah hian information vengchhunga awm te lo dah lan thin tum a ni ang. Vengmite poh in a min lo tawiawm tur in kan sawm nghal a che u.He thil hi mimal ta anilo a vengmite ta a nih angin a duh2 tan hmun a awm a, Thuziak lama tui mi leh Photographya tui te tan hun hi kan hawng nasa ang a, Kan vengchhung thla te han la chhur2 ula chaun a tha chhin kan lo thlifim a nga kan lo upload zel dawn nia GALLER ah hiana tul angin kan lo upload zel dawn nia..Rawtna thawh duh leh thil eng emaw bengvar thil lam poh tel thei veka ni e. Website khawih thei tan poh hun a in hawng zel e..
Kan veng blogg site hi official a la launch a nih loh avang in adminstrator te kan han inpeih thuai2 anga reilo teh ah chaun hawn theih thuai tur a ruahman a ni ang.Thil post duh leh thoh duh chuan in Administrator te e-mail ah emaw Builukham Editorial Board ah thoh theih a ni ang.Athawhna tur chu chiang zawk a lo tarlan a ni anga chaun a hman dan tur leh a kalhmag kan lo sawi fiah leh dawn a nia.Hetiang a hnuaia lo tarlan ah hian thil Post duh chuan inlo thawn dawn nia.
Admin: 1) Joseph Lawma Zahau
e-mail: z_lawma@yahoo.com
2) Famkima Khawlhring
e-mail : famkimakhawlhring@gmail.com
3) Lalrinhlua Chhangte
e-mail : hlutechhang@gmail.com
- hlu_tec@yahoo.com
e-mail : lc08@rediffmail.com
|
--------------------------------------------------------------------------------------------------------------------
Congress Party Leader Pu.Lalthanhawla Dec 21 2010 thuchhuak
December 21 2010: Aizawl: Congress Party President, Pu Lal Thanhawla’n an party-in kum hnih ro a rel chhungin mipuite leh eptu Party-ten eirukna leh hlemhletna sawi tur an hre lo niin a sawi. Kumin atana an party Office kharna leh Congress Party kum 125 tlin lawmna kharna inkhawm, Congress Bhavan-a vawiina buatsaihah he thu hi sawiin Chief Minister chuan, eirukna, hlemhletna, dawt leh thu dik chanve-in Congress party-ah hmun a chang tur a ni lo a, Mizo hnam chu Pathian ringtu a nih avangin Party awmna chhut chian a ngai a, phuba la party nih ringawt chu Zoram siam tha turin a tha lo a ni a ti bawk. Pu Hawla chuan Congress party tihchhiat duh, itsiktu an tam ni-a sawiin, Congress party chu Zoram mipui tawngtaina chhanna a ni, a ti a, Congress party beitute leh itsiktuten Serafim sorkar beisei mah se, chutiang sorkar chu an pe thei lo tih hre chiangtute chu a beitute hi an ni zawk, a ti bawk. Pu Hawla chuan sorkar hruaituten hmasawnna hna an thawh mek chu MNF sorkar kum 10 chhung khan lo thawk tawh sela chuan Mizoram dinhmun chu sang takah a awm tawh ang a, sorkar hmasa-in kum 10 chhunga hna an thawh aiin, sorkar ding laiin kum 2 chhunga a thawh chu a lang zawk a ni a ti bawk. He inkhawm hi an party Vice President, Pu R. Lalzirliana’n a kaihruai a, Indian National Congress kum 125 tlin lawmna atana buatsaih, Essay inziahsiaka lawmman 1-na dawngtu, Dr. Lalthakima chuan Rs 15,000 leh thuziak a dawng a, 2-na, Tlaisun Lalnunsiama’n Rs.7,500 leh thuziak, 3-na, Lalrinawma Khiangte-in Rs.5,000 leh thuziak a dawng bawk a ni. Lawmman dawngtute hi Pu Lal Thanhawla’n a hlan a, kum 125 tlin lawmna pual lungphun a hawng bawk.
Mizoram sorkarin motor nei zawng zawngten motor dahna (garage) an neih ngei ngeina tur dan a siam dawn a, hemi atan hian The Mizoram (Regulation & Control of Vehicle Parking) Rules, 2010 pawh siam that a ni ang. Hemi chungchanga thu tlukna hi nimina Chief Minister, Pu Lal Thanhawla hova Council of Ministers thu khawmin an rel a, Zokhawthara =iau lei zawhtu, mihring leh motor atanga chhiah ‘Toll’ lak tur chu mi pakhat zelah Rs.10, lirthei ke 2 neiah Rs.10, motor te chi-ah cheng Rs.20 leh motor laihawl leh a lian chi-ah Rs.30/- a ni ang. Hemi bakah hian AH & Vety Department Consultative Committee lo rel tawh, Kawlkulh, Sairang leh Pukpui-a vawk vulhna, Model Piggery Village-te chu AH & Vety Department enkawl zui tir tawh loh remtih a ni a, heng Piggery Village din nan hian AH & Vety Department-in tum khat atana sum pek ‘one time grant’ chauh a hmuh avangin an tan enkawl zui a harsa a, tun hma lama lo puan tawh thin angin, Department Consultative Committee chuan heng Piggery Village-te hi Department enkawl zuitir tawh loh a rawt ta a, an kal zel dan tur erawh chu sorkarin a la ngaihtuah dawn nia thu dawn a ni.
‘The Mizoram Excise & Narcotics (Wine) (Amendment Rules 2010) siam that rawtna, Cabinet-in a pawm takah hian wine siam leh zawrh phalna neiten Excise duty bakah Bottling Fee te, Label fee te leh fee dang, sorkara an chhun luh theihna tur ruahman a ni a, hemi bakah hian Excise Commissioner-in wine siam chhuah, a hlawm lian leh a mala hralh chhuahna man tur a bithliah theihna tur thuneihna pek chungchang pawh a tel nghal a ni. Hemi avang hian grape wine man lo bithliah tawh chu tihsan a ni chuang lo ang a, fee dang neuh neuhte hi chu winery-in a pek tur a ni dawn a ni. Puan tawh angin nimina Council of Ministers thu khawm hian Lai leh Mara Autonomous District Council hnuaia Deficit Middle School 44 chu sorkar sikul a hlan kai a remti a, Right to Education Act hman a nih tak avanga pawl 4 leh pawl 7 Board Exam tihbo a tul tak avangin he exam chungchanga MBSE dan ding lai pawh siamthat remtih a ni bawk a ni.___________________________________________________________________________
Nghakhlel taka mipuiten an thlir, Krismas chu ni 3 chauhvin a dang ta a, sorkar pawhin a hnathawktute chu naktip atangin Krismas chawlh a pe tan dawn a, Krismas atana mipuite inbuatsaihna chuan a vawrtawp a thleng hnai tawh bawk. He hunpui, mi tinin an nghahhlelh hmang tur hian mi tin an buai hle tawh a, Aizawla Krismas chakkhai dapa lo kalte leh Aizawl-a hnathawk leh lehkha zira awm, thingtlang mi tam tak chuan Krismas hi mahni khua-a hman ngei tumin an haw mek bawk. Kan Corr., tukina Aizawl khawpui chhung hmun hrang hranga maxi-cab stand leh thingtlang bus stand-te tlawhtu sawi danin, mahni khaw lama Krismas hmang tura haw tum an tam hle a, maxi-cab leh bus a indaih loh avangin pick-up hire-a a hu hova haw pawh an awm a, mahni khaw lama haw tum an tam avangin Treasury Square atanga Zarkawt inkar chu tukin khawvar hma atang khan lirthei tlan hleih theih loh khawpin a tawt a ni. Mahni khaw lama Krismas hmang tura haw tumte hi an phurin an hlim hle tih kan Corr. chuan a hmu a, maxi-cab leh bus chhuahna hmun tinah mipui an tam hle a, haw turte bakah anmahni thlahtute pawh an tam hle thin a ni.
___________________________________________________________________________Tripura camp-a Bru refugee awmte lak let chhunzawm nan nakkum January thla laihawl vel tinzawn a ni. Hemi chungchanga kan Corr. thu dawn danin, Mizorama an lo let hmaa sorkar nena inbiak hmasak phuttu pawlten harsatna engemaw chen an siam hnuah Tripura camp atanga Mizoram Bru lak let hna hi chawlhsan lailawk a ni a, amaherawhchu, hemi chhung hian a theih ang anga ruahmanna siam tulte ruahman zui zel a ni. Hetih lai hian, Bru pawl thenkhatten a ruk a rala Mizorama chhungkaw thenkhat lak let an awm nia an sawi leh, heng mite hi a rukin tanpuina pek ni awma an sawi chu thu belh chian dawl lo nia sawi a ni a, Mizorama lo let thei, Mizoram mi dik tak te chu anmahni chenna In tur, anmahni-a an sak phalsak a ni a, heng mite hian In sakna tura sorkarin Rs.38,500/- a ruahmansak chu an nei thei dawn a ni.
__________________________________________________________________________Mizoram University (MZU)-a LDC hna 38 ruak hnawh khat tura interview tura koh zingah written exam pal tlang lo an awm nia hriat a ni. ZONET thu dawn danin, MZU-a thawk tur, Non Teaching Staff lakna turah hian hna chi hrang hrang a ruak a, heng zingah hian LDC post ruak 38 pawh a awm a ni. Hemi atan hian written exam buatsaih a ni a, he written exam pal tlang lo pakhat chuan computer test a nei a, chumi hnu-ah interview tura koh a ni ta nia sawi a ni. ZONET thu dawn chuan written exam pal tlang lo, interview tura koh hi University-a LDC contract-a thawk lai niin a sawi a, written exam a pal tlang loh hnu hian computer an exam-tir leh a, chumi hnu-ah interview hmachhawn tur zingah thlan leh a ni a, interview tura thlan a nih thu hi lehkha pawha hriattir a ni tawh niin an sawi. LDC post 38 hnawh khah turah hian rual ban lo tana ruat pakhat a awm ve a, interview hmachhawn tur hian mi 3 thlan chhuah an ni a, mahse an zinga 2 chu paih leh an ni a, an aiawh tur hian written test pal tlang lo mi pahnih chu koh leh nia hriat a ni bawk. Mizoram University ah hian a din tirh atangin thawktu tur lakna-ah buaina neuh neuh a tam tawh hle a ni.
___________________________________________________________________________UD&PA Minister, Pu Zodintluanga’n nimina Chief Minister hova Cabinet thukhawmin Aizawl Municipal Council-a Councillor-te hamthatna tur hrang hrang a pawm tih a sawi. Vawiina I&PR Conference Hall-a thuthar la khawmtute a kawmna-ah Pu Zodintluanga chuan, AMC inthlan lai vel khan CM a damloh avangin Councillor-te hamthatna ngaihtuah tur hian Cabinet an thu khawm thei lo tih a sawi a, AMC chu thil pawimawh tak a nih avangin an chungchang, CM tel lo va lo ngaihtuah chu thil tih chi-a an ngaih loh thu avangin a dam hnu-ah an rel a, an tlai ta deuh niin a sawi. Minister chuan AMC chu ram tana thil tha tak a nih avangin an hnathawh dan tur chungchangah sorkar a hmanhmawh lo a ni a ti a, AMC hi a din tawh avangin Aizawl Development Authority (ADA) kal zel dan tur chu sorkar-in a la ngaihtuah dawn niin a sawi bawk. Pu Zodintluanga chuan cheng vbc 130 senna tur, Aizawl khawpui tui chhe paihna tur chu kum 2011-2012 a thawh tan hman tum a ni a ti a, a thawhna tur sum hi Asian Development Bank atanga tihfel thawkhat a ni tawh a, Greater Aizawl Water Supply Scheme Phase I leh II tihhmasawnna tur te, sorkar laipuiin Lunglei leh Serchhip Water Supply Scheme tana cheng vbc 867 leh nuai 44 leh cheng vbc.687 leh nuai 60 a rawn phalsak te, Lunglei, Saiha, Champhai, Lawngtlai, Serchhip leh Saitual tihhmasawnna tur te, fur ruahtui tlak laia chhiatna thlenga chhawmdawlna, Monsoon Damage & Rehabilitation Scheme bawhzui a nih dan te a sawi bawk. Zawhna chhangin Pu Zodintluanga chuan, Chite-a Mini Sports Complex chu peih thuai tum a nih thu a sawi a, hnathawh tur awm reng reng, a thawktu tur lak a nih danah tender chhuah a nih thu sawiin, hnam dangte duhsak lutuk anga sawi awm chu dan ang thlapa tih a nih thu a sawi. He Press Conference-ah hian Minister hi UD&PA Dept. leh Town & Country Planning lam hotute’n an tawiawm a ni.
___________________________________________________________________________DEC 21: Chief Secretary, Pu Vanhela Pachuau leh Mizoram State Planning Board Member-Secretary, Pu PL Thanga hovin Secretary leh Department hotu luten vawiin khan Secretariat Conference Hall-ah Mizoram Annual Plan chungchang an sawiho a, Chief Secretary chuan Plan lehkha pawimawhte chiang taka chhiar a, Plan siam turin Officer liante chu a fuih bakah Department hrang hrangte chu plan siam kawngah fimkhur leh zual se a duh thu a sawi. Pu PL Thanga pawhin Department-ten Plan an thehluh, ennawn leh siam that ngai awmte a sawi fiah a, Planning Commission Member, hmar chhak bial viltu, Pu BK Chaturvedi-a duh dan anga Plan duang turin a chah bawk a ni. He sawihona-ah hian Department hrang hrangte chu an Annual Plan, kum thar January ni 7 aia tlai lova thehlut tura hrilh an ni.
_________________________________________________________________________Dec 21, 2010: Aizawl District SP chuan Krismas leh Kumthar lawm laia boruak nuam leh ralmuang tak a awm theih nan police-te thawhpuia boruak tha leh ralmuang siam tum turin mi tin a ngen. Hemi chungchanga thuchhuah a siamah Aizawl District SP, Pu Lalbiakthanga Khiangte chuan Krismas leh kum thar lawm chhung hian Police-te chu hmun hrang hrangah ngawrh zawkin an duty dawn tih a sawi a, tanpui mamawhte chu anmahni bialtu Thana-ah a rang thei ang bera hriattir turin a chah a, veng hrang hranga YMA, JAC, VDP, VC leh tlawmngai pawl dangte pawh mi dangte tanpui tura inkau reng turin a ngen bawk..
___________________________________________________________________________
Dec 21,2010: Chief Secretary, Pu Van Hela Pachuau hova Secretariat Conference Hall-a State Level Bankers Committee Meeting, vawiina neihah sorkar scheme hrang hrang atana Bank loan pek dan leh kumin June leh September thla thlenga hnathawh dante thlir let a ni. Inkhawm kaihruaitu, Chief Secretary chuan Bank hrang hrang hotute chu Mizoram hmun hrang hranga Bank branch hawn belh turin a ngen a; thianghlim taka inel tur leh anmahni dawrtute lungawi taka chhuah tum turin a ngen bawk. Chief Secretary chuan loan rul tha duh lote chu a theih ang anga bawhzui tur leh, dan hmanga rulhtir an tumna kawngah Bank hotute chu tha taka thlawp a tum thu a hrilh bawk a ni. Chief Secretary chuan State Level Bankers Committee chu District tina thil tih dan tur ruahmante, tha taka hlen chhuah tum turin a ngen a, PMEGP, ISHUP leh sorkar scheme hrang hrang hlawhtlin nan tha taka loan pe chhuak turin a ngen bawk a ni. He Bankers Committee Meeting-ah hian line Department-ten loan dilna an thehluh hun atan nakkum January ni 31 aia tlai lo ruahman a ni a, an pawm leh pawm loh zawng zawng pawh ching fel vek turin Bank-te chu ngen an ni bawk a ni. He meeting-ah hian Hnahlan leh South Bungtlang-a Mizoram Rural Bank branch hawn thar tur chungchang te, HDFC-in Champhai leh Mizoram chhim lama branch a hawn thar tur chungchang te, bank thenkhat thawk tha tawk lo fuihna thute sawi a ni a, SMS leh e-mail hmanga pawisa man theihna nia sawite chu inbumna hmanrua a nih thu sawiin, hetiang chi reng reng lakah fimkhur turin mipuite an ngen bawk a ni.
__________________________________________________________________________DEC 21, 2010: Thir chhe hralhtu pawl, All Mizoram Iron Scrap Marketing Society chuan mitdel, kawng sira zai thinten an ngenna angin anmahni tanpuina tur sum an tuak mek a, an member zing atanga an thawh khawm bakah ticket-te siamin mi thahnemngai leh midangte tana inphalte hnen atangin tunlai hian tanpuina an khawn mek. Hemi chungchanga kan Corr. thu dawn danin, kawng sira zai thin, mitdelte hian anmahnia eizawnna ngelnghet an neih theih nan All Mizoram Iron Scrap Marketing Society hi Agarbati stick siamna khawl ngaihtuahsak turin an ngen a, hei hi tihhlawhtlinsak tumin All Mizoram Iron Scrap Marketing Society chuan tan a la mek a, Organising Committee Chairman, Pu R.C. Thanga hnen atanga kan Corr. thu dawn danin, mitdelte tanpuina tur thawhlawm an khawn hi khawn chhunzawm zel an duh avangin tanpuina pek hun tur chu nakkum January thla tawpah an sawn hla a ni. All Mizoram Iron Scrap Marketing Society hi Health Department hnuaia Mizoram Eye Bank pawhin thih hnua mi dangte tana mit pek pawimawhzia hrilh darh turin an hmang mek a, tun thlengin thih hnua mi dangte tana mit pe duh mi 40 an hmu tawh a ni.
___________________________________________________________________________DEC 21, 2010: Lunglei East bialtu MLA, Pu Joseph Lalhimpuia chuan a biala mi harsa te, Krismas chak lakna atana inhlawhna turin MLA Local Area Development Fund atangin ni 2 inhlawhna a siamsak mek a, inhlawh thei tura mi rethei chhungkaw 696 thlan chhuahte hian ni khatah Rs.500 an hlawh a ni. An inhlawhna hi khaw hrang hrang VC-te ruahmanna siam anga siamsak a ni a, heta tan hian Rs.6,96,000 sen a ni dawn a ni.
__________________________________________________________________________DEC 21, 2010: Krismas leh kum thar lo thleng tur lawm lai vela Muallungthu leh Hualngohmun vela boruak ralmuang a awm theih nan Muallungthu leh Hualngohmun VC leh tlawmngai pawl hrang hrangten nimin khan zu dap beihpui an thlak. Hemi chungchanga kan Corr. thu dawn danin, Hualngohmunah hian zu bilhlai tin 20 an man a, hemi bakah hian Mitdel-lung-sah tlangah rakzu litre 90 an man bawk. Hengte hi mipuite hmuh laia leih buak vek a ni. Zu dap beihpui thlaknaah hian VC pahnihte chu YMA leh tlawmngai pawl hrang hrangten an tawiawm a ni.
_________________________________________________________________________DEC 21, 2010:MSACS, UNICEF leh Health Department tangrual buatsaih, kumin April thla atanga September thla chhunga District hrang hranga Nu leh nau hriselna enkawl dan leh Nu leh Paten an fanaute, HIV hrik an kai chhawng tur venna chungchanga an hnathawh dan leh an thlen chinte chu vawiin khan I&PR Auditorium-ah Health Minister, Pu Lalrinliana Sailo hovin thlir let a ni a, Minister chuan, AIDS hian Mizoramah bu a khuar nasat tak avangin a do let turin sawrkarin theihtawp a chhuah tih sawiin, thawktute tanrualna leh tum ruhna avangin hma sawnna a lang niin a sawi. UNICEF Consultant, Pu Lallianzuala pawhin District level-ah review leh monitoring system chak zawk neih a tul tih a sawi a, district kalphung hriatthiam a awlsam zual nan leh thawhhona tha a awm theih nan te, kum 2012 ral hma ngeia AIDS natna do a hlawhtlin a, nu-nau hriselna dinhmun pawhin hma a sawn zel theih nante hetianga an hnathawh thlir let hi a tul tih a sawi a, MSACS Project Director, Dr. Eric Zomawia pawhin AIDS Control Programme leh programme bawhzui a nih dante a sawi bawk. He thlir letna-ah hian District hrang hrang pariat atangin DC, Addl. DC, Chief Medical Officer leh official pawimawhte an tel a, District aiawhte hian an district theuha hna an thawh dan an sawi a ni.
__________________________________________________________________________
DEC 21, 2010:Centre of Indian Trade Union Mizoram chuan hun rei tak chhung nghakhlel taka an thlir, hnathawktute hlawh pek zat tur bithliahna, minimum wage chungchang agenda number 11-na a dah chu nimina Cabinet Meeting neih khan ngaihtuah lovin kum thar lama ngaihtuah atan a dah niin an sawi a, hemi chungchanga thuchhuah an siamah sorkar chu hnathawktu hnuaihnung zawkte dinhmun ngaihsak tawk lo-ah an puh a ni.__________________________________________________________________________
DEC 21, 2010:Mizoram Journalists Association (MJA) chuan vawiin khan Zoram Drivers’ Union (ZDU) enkawl, Zuangtuia Damna In-in hlim taka Krismas an hman ve theih nan tanpuina an pe. |anpuina hlanna inkhawm hi Damna In Office-ah neih a ni a, ZDU Ramthim Board Vice Chairman, Pu Hrangauva’n a kaihruai a ni. MJA aiawha thusawitu, Pu Zonunsanga Khiangte chuan MJA hian kum tin, Krismas dawnah member-te thawh khawm hmangin tanpui ngai ni-a an hriatte an tanpui ve thin tih a sawi a, Damna Ina awm, mi 8-in an ni tin chaw ei man pawh an nei thei lo tih an hriat avangin tanpuina pek an rel ta niin a sawi. Damna In tanpui nan hian MJA member 91 leh member ni lo mi 7-in pawisa an thawh a, he an pawisa thawh khawm, Rs.30,000 chu MJA President, Pu H. Zosangliana’n a hlan a ni. ZDU hian Damna In hi kum 1986 khan an din a, tunah hian thawktu 10 nen mi 34 an awm a, Doctor-in a khat tawkin a tlawh a, nurse pakhatin a awm chilh a ni.
__________________________________________________________________________
DEC 21, 2010:Animal Husbandry & Veterinary Department chuan November thla chhung khan ran chi hrang hrang 17,458 a enkawl a, heng zinga 6,024 chu hri danna pek a ni a, 2,148 chu zai a ni. Hemi chhung hian bawngpui 110 leh vawkpui 292 kah rai a ni a, November thla chhung khan Vety dept. hnuaia Hospital leh Dispensary Wing hian sorkar sum zemah Rs.1,55,537 a chhung lut a ni.
__________________________________________________________________________DEC 21, 2010:Drug Addiction and AIDS Resistance Society, Aizawl Chanmari Venga awm chuan vawiin khan Chawnpuia =awngtai Bethel Camping Centre leh Zonuama Gan Sabra-ah Krismas thilpek atan thawmhnaw leh tangkafai cheng 2100 ve ve an hlan. Drug Addiction and AIDS Resistance Society hi an phak tawk ang angin mi dangte tan an inhmang ve thin niin an pawl President, Pu C. Vanlalhruaia chuan a sawi.
__________________________________________________________________________
DEC 21, 2010:Vawiin khan Aizawlah khaw lum lai berin Celsius Degree 24.2 a ni a, a vawh lai berin degree 10.7 a ni. Boruak hi a ro lai berin za zela 38.7 a ni a, a hnawn lai berin za zela 90 a ni.
___________________________________________________________________________
DEC 21, 2010:Naktuk, Nilaini-ah chuan khua a that rin a ni a, khua pawh a lum lai berin Celsius degree 24 vel, a vawh lai berin degree 11 vel a nih rin a ni. Zing dar 5 :56-ah ni a chhuak ang a, tlai dar 4:37-ah a tla leh ang. Ni rei zawng chu darkar 10, zan rei zawng chu darkar 14 a ni ang.
-------------------------------------------------------------------------------------------------------------------
MEDICAL COLLEGE DIN REMTI
| Written by Lalramliana Chawngte MIS, PIO to Chief Minister | |
| Wednesday, 22 December 2010 | |
Ni 20 December, 2010 a Cabinet Meeting neihah khan Mizorama Medical College din tur chungchang ngaihtuah tel a ni a, meeting chuan a thuphungin din a remti a ni. |
ARMED FORCES MEDICAL COLLEGE, PUNE ADMISSION TO MBBS COURSE - 2011
| Written by K. Vanlalsangi MIS, IPRO | |
| Wednesday, 22 December 2010 | |
Nula/Tlangval 10+2 (Eng. Physics, Chemistry and Biology) a 60% aggregate a hmu phak chinte tan MBBS zir turin Armed Forces Medical College, Pune-ah dilna thawn theih a ni a, dilna chu 07 February, 2011 aia tlai lovah AFMC, Pune a thleng tur a ni. Diltu chu 01 January 1990 leh 31 December 1994 inkara piang a ni tur a ni. Prospectus leh Dilna Form hi Aizawl HPO ah lei theih a ni. |
No comments:
Post a Comment